سر صغير لو عرفته ممكن تعمل تحويشة عمرك

فاكر الفلوس الي كان أهلك بيقولولك و أنت صغير هات نحوشهالك و متعرفش عنها حاجة  دلوقتي

“هي دي السر " كلمة  تحويش تراكمي 

لو عندك  أهداف محتاجة مبالغ كبيرة عشان تحققها ، ممكن تحققها من غير ما تضطر تجمع مبلغ كبير في دفعة واحدة!

ازاي؟  

ببساطة  :ابدأ نفذ فكرة التحويش التراكمي

 إيه هو التحويش التراكمي؟ 

.فكر في الموضوع كأنه توفير منتظم، لكن بدل ما تحوش الفلوس في حصالة أو حساب في البنك مش بيحمي فلوسك من زيادة الأسعار ، بتحوشها في حاجة بتحميها و تزودها مع الوقت 
الفكرة ببساطة إنك كل شهر (أو كل فترة معينة) تحط مبلغ صغير في اصل معين، والمبلغ ده يبدأ يجيب عائد. العائد ده مش بس بتاخده، لأ... بتعيد تشغيله كمان، وده اللي بيزود الفلوس بشكل أسرع 

الفكرة بتتلخص في  ان تحويشتك بتشتغل وتجيب أرباح، والأرباح كمان تشتغل وتجيب أرباح إضافية. زي كرة ثلج صغيرة بتكبر مع الوقت 

إيه المميز في الاستثمار التراكمي؟ 

.بتبدأ بمبلغ بسيط: مش لازم يكون معاك مبلغ كبير. أي حاجة صغيرة ممكن تكون البداية 

.التأخير مش في صالحك: كل ما بدأت بدري، كل ما الفلوس تكبر أكتر مع الوقت

تحقق أهدافك بسهولة: و أسرع سواء كنت عايز تحوش عشان تعلم أولادك ، تشتري بيت، تسافر رحلة كبيرة، أو تجهز نفسك للتقاعد 

طيب أحط فلوسي فين عشان " أحميها " و" أزودها" ؟ 
:ده بيعتمد على أهدافك ومدى احتياجك للسيولة

:(لو هدفك لفترة قصيرة (أقل من سنة أو بتحتاج كاش باستمرار 

تحمي فلوسك ازاي من ارتفاع الأسعارفي الفترة دي 

:التوزيع الأنسب هيكون 100% أستثمار في 

:صناديق استثمار نقدية 

سيولة عالية جدًا

هتديلك عائد و شبة مفيهاش مخاطر

:لو هدفك متوسط المدى (من سنة لـ 5 سنين أو أطول) 

عندك فرصة لتحقيق عوائد أعلى لأنك مش محتاج الفلوس بسرعة. بس خلي بالك أنك هتحتاج تقسمهم بالنسب% و تراجع النسب دي في كل مرحلة أقتصادية , و دا هنساعدك فيه في اللي جاي 

:فممكن توزع فلوسك على

:صناديق استثمار في الدخل الثابت

تضمن عائد ثابت ومخاطر منخفضة نسبيًا

:الذهب 

بيحافظ على قيمة الفلوس مع زيادة مع الوقت

:العقارات 

زي ما بيقولوا "عمرك سمعت عن شقة رخصت؟” أكيد لأ" 

العقارات واحدة من أكتر الأصول القيمتها بترتفع على المدى المتوسط والطويل 

نصائح تبدأ بيها: 

ابدأ النهارده: الوقت أهم عامل. حتى لو بمبلغ بسيط جدًا 

استمر مهما حصل: السوق بيطلع وبينزل، لكن في النهاية المكسب بيجي للصبور 

تابع استثمارك: ما تنساش تراجع خطتك كل فترة وتعدلها لو محتاج 

الخلاصة: الفكرة بسيطة 
بدل ما تصرف 100 جنيه في الشهر على حاجات زي دليفري أو اشتراكات مالهاش لازمة، شغلهم و بعد كام سنة، المبلغ ده ممكن يكون بداية مشروع كبير أو حتى يوفر لك الحرية اللي بتحلم بيها 

!لو بتسأل: أوزع استثماري إزاي؟ استنى اللي جاي

عايز تعرف إزاي تقسم فلوسك بالنسب% بين الأصول اللي قولنا عليها ؟ 

أو لو هدفك محتاج مدة متوسطة أو طويلة، و عايز تعرف إزاي تراجع نسب استثمارك مع تغييرات السوق والمراحل الاقتصادية... استنى اللي جاي