عارف الإعلانات اللي بتقول: عائد الصندوق ٢٥% سنويًا؟ تعال نفهم الموضوع سوا
كتير من الناس أول ما تشوف رقم العائد المكتوب على أي منتج استثماري أو صندوق بتحس إن الموضوع بسيط
يعني أنا لو حطيت تحويشتي هنا، هكسب ٢٥% مضمون؟"
الحقيقة للأسف لأ، الموضوع أعمق من كده شوية و خليك معايا عشان تفه
في عالم الاستثمار و التحويش، لازم نفرّق بين العائد المحقق و العائد المضمون العائد اللي بيتقال غالبًا بيكون مبني على أداء تاريخي , يعني الصندوق ده كان بيحقق الرقم ده في فترة فاتت، لكن ده مش شرط يتكرر تاني ، و بالتالي مش شرط ده يكون العائد المتوقع
وزي ما دايمًا بنقول
"الأداء السابق مش ضمان للأداء المستقبلي"
وده بيتضح أكتر في صناديق النقدية أو صناديق الدخل الثابت اللي ناس كتير بتعتبرها "ثابتة" أو "مضمونة"، بس في الحقيقة
بتتأثر جدًا بسياسات البنك المركزي وبأسعار الفايدة
فلو البنك المركزي خفّض الفايدة، طبيعي العائد يقل، والعكس صحيح
وده مش تقصير من الصندوق، دي طبيعة السوق
اللي لازم تفهمه كمستثمر أو كواحد بيحاول يحافظ على تحويشته إن
العائد اللي بتشوفه تقديري مش مضمون
أداء الصناديق اللي قولنا عليها بيتغيّر مع اتجاه الفوائد وحركة السوق
قرارك لازم يكون مبني على هدفك ومدى زمني محدد و كمان المخاطر مش بس الرقم اللي مكتوب ، و لازم نذكر المخاطر لان مفيش حاجة اسمها صفر مخاطر
وفي النهاية، بكرة بتقولك أنك تحوش بالأصول دا مش معناه تدور على أعلى رقم، لكن إنك تختار اللي يناسبك و يحافظ على قيمة فلوسك على المدى الطويل
التحويش الصح هو اللي يخلي فلوسك تكبر بعقل ووعي، مش بالحظ ولا بالإعلانات
خلي تحويشتك تشتغل بذكاء في أصل حقيقي يحافظ على قيمتها… مش بالانبهار بالأرقام